മന്നാഫ്രൂട്ട് കേക്ക്

*പാചകം ചെയ്യാൻ ആവശ്യമായ സാധനങ്ങൾ*

1. പഴങ്ങൾ ( ഗലാത്യർ 5: 22-23 )
2. പാൽ (1 പത്രോസ് 2:2 ൽ നിന്നും 1 ലിറ്റർ)
3. തേൻ (സങ്കീർത്തനം 19:10 ൽ നിന്നും ആവശ്യാനുസരണം)
4. പ്രത്യാശ ആവശ്യം പോലെ)
5. പ്രാർത്ഥന (അളവ് കൂടുന്തോറും രുചി ഏറുന്നു)
6. വിശുദ്ധി (കേടാകാതിരിക്കുവാൻ പാകത്തിന്)
7. മന്നാ (ഒരു പിടി അലങ്കാരത്തിന്)

*പാകം ചെയ്യുന്ന വിധം*: വിശ്വാസം എന്ന പാത്രത്തിൽ മായം ഇല്ലാത്ത പാൽ ഒഴിച്ച് സ്നേഹമാകുന്ന അടുപ്പിൽവച്ച് പരിശുദ്ധാത്മാവാകുന്ന തീകൊണ്ട് തിളപ്പിക്കണം. പാൽ വെട്ടിത്തിളച്ചു 2 മിനിട്ടു കഴിഞ്ഞു 9 തരത്തിലുള്ള പഴങ്ങൾ കുറേശ്ശെയിട്ട് വ്രവൃത്തിയാകുന്ന തവികൊണ്ട് നന്നായി ഇലക്കുക. ശ്രദ്ധിക്കുക, പഴങ്ങളിൽ ഒന്നുപോലും മറന്നുപോകരുത്, പാപം അടിക്കു പിടിച്ചു കട്ടിയായി പോകാതിരിക്കാൻ തേൻ ആവശ്യാനുസരണം ചേർത്തു ഇളക്കികൊണ്ടിരിക്കണം. പ്രാർത്ഥന ഇടവിടാതെ ചേർത്തുകൊണ്ടിരിക്കണം. പഴങ്ങൾ പാകമായി അതിന്റെ ചാറു ചുറുകുമ്പോൾ പാകത്തിന് പ്രത്യാശ ചേർത്ത് നന്നായി ഇളക്കി അടുപ്പിൽനിന്നും വാങ്ങി വിശുദ്ധി ചേർത്ത് തണുക്കാൻ വെക്കുക. നന്മ ആകുന്ന അപടപ്പുപാത്രം കൊണ്ട് നന്നായി അടച്ച് ജീവിതമാകുന്ന ഫ്രീസറിൽ വെക്കുക, മന്നഫ്രൂട്ട് കേക്ക്' റെഡിയായികഴിഞ്ഞു. തണുത്തയുടൻ വചനമാകുന്ന കത്തികൊണ്ട് ഭംഗിയായി മുറിച്ച് ജീവ അപ്പത്തോടൊപ്പം കുടുംബസമേതം കഴിക്കുക. അടുത്തുള്ളവർക്കും കൂടെ കൊടുക്കുക. ഇത് ദിവസംതോറും കുളിച്ചാൽ ആത്മികമായി നല്ല ഉന്മേഷവും ഉൽസാഹവും ഉയർച്ചയും വർദ്ധിക്കുന്നതാണ്.

*കുറിപ്പ് *: നല്ല മണം കിട്ടുവാൻ ഗിലെയാദിലെ സുഗന്ധതൈലം 2 സ്പൂൺ ചേർക്കുക. ഇതു കഴിക്കുന്നവർ ആജീവനാന്തം കഴിക്കണം. ഇതിനാവശ്യമായ സാധനങ്ങൾ കർത്താവായ യേശുക്രിസ്തു എന്ന സൂപ്പർ മാർക്കറ്റിൽനിന്നും ധാരാളമായി ലഭിക്കുന്നതാണ്

കടപ്പാട്: പ്രവചനശബ്ദം