RAKSHITHAVINE kanga pabii

RAKSHITHAVINE kanga pabi 

നിന്റെ നാമം ഈ ആലയത്തിൽ ഉണ്ടല്ലോ- ഞങ്ങളുടെ സങ്കടത്തിൽ നിന്നോടു നിലവിളിക്കയും നീ കേട്ടു രക്ഷവരുത്തുകയും ചെയ്യും എന്നു പറഞ്ഞു."

1. രാജാക്കന്മാർ 8:37-40:

"37 ദേശത്തു ക്ഷാമമോ മഹാമാരിയോ വെൺകതിർ, വിഷമഞ്ഞു, വെട്ടുക്കിളി, തുള്ളൻ എന്നിവയോ ഉണ്ടായാൽ അവരുടെ ശത്രു അവരുടെ പട്ടണങ്ങളുള്ള ദേശത്തു അവരെ നിരോധിച്ചാൽ വല്ല വ്യാധിയോ വല്ല ദീനമോ ഉണ്ടായാൽ യാതൊരുത്തനെങ്കിലും

38 നിന്റെ ജനമായ യിസ്രായേൽ മുഴുവനെങ്കിലും വല്ല പ്രാർത്ഥനയും യാചനയും കഴിക്കയും ഓരോരുത്തൻ താന്താന്റെ മനഃപീഡ അറിഞ്ഞു ഈ ആലയത്തിങ്കലേക്കു കൈ മലർത്തുകയും ചെയ്താൽ

39 നീ നിന്റെ വാസസ്ഥലമായ സ്വർഗ്ഗത്തിൽ കേട്ടു ക്ഷമിക്കയും

40 ഞങ്ങളുടെ പിതാക്കന്മാർക്കു നീ കൊടുത്ത ദേശത്തു അവർ ജീവിച്ചിരിക്കും കാലത്തൊക്കെയും നിന്നെ ഭയപ്പെടേണ്ടതിന്നു നീ ഓരോരുത്തന്റെ ഹൃദയത്തെ അറിയുന്നതുപോലെ ഓരാരുത്തന്നു അവനവന്റെ നടപ്പുപോലെയൊക്കെയും ചെയ്തരുളേണമേ; നീ മാത്രമല്ലോ സകലമനുഷ്യപുത്രന്മാരുടെയും ഹൃദയത്തെ അറിയുന്നതു."

പുഴകളെല്ലാംകൂടി കടലിനോട് കലഹിച്ചു

പണ്ടുപണ്ട് ഒരിക്കൽ ഭൂമിയിലെ പുഴകളെല്ലാംകൂടി കടലിനോട് കലഹിച്ചു. അവർ ഒന്നിച്ച് ഒറ്റചോദ്യം ചോദിച്ചു. ഞങ്ങൾ ഇക്കണ്ട കാലം മുഴുവൻ നല്ല ശുദ്ധമായ വെളളം നിനക്ക് ഒഴിച്ചുതന്നു. നീ എന്തിനാണ് ആ നല്ല വെള്ളം മുഴുവൻ നശിപ്പിച്ച് ഉപ്പുവെള്ളമാക്കുന്നത്? കുടിവെള്ളം കുടിക്കാനാകാത്ത വെള്ളമാക്കി മാറ്റാൻ നിനക്ക് നാണമില്ലേ?

നദികളെല്ലാംകൂടി ഒന്നിച്ചാണ് എത്തിയിരിക്കുന്നത്. താനോ ഒറ്റയ്ക്കേയുള്ളു. അവരോട് തർക്കിച്ചാലൊന്നും അവർ തോല്ക്കാൻ തയ്യാറാവുകയില്ല...

 അതറിയാവുന്നതിനാൽ കടൽ നദികളെ പേടിപ്പിച്ചോടിച്ചു. ''അധികം അടുത്തു വന്നു കളിച്ചാൽ ഞാൻ കയറി നിങ്ങളെ അടിമുടി ഉപ്പു നിറഞ്ഞതാക്കും.''..

നദികൾ പേടിച്ച് പിന്നീട് ആ ചോദ്യം അവർത്തിച്ചില്ല.. പണ്ട് പണ്ട് കടലുണ്ടായ കാലത്ത് തന്റെ മടിയിലെ വെള്ളത്തിൽ ഉപ്പില്ലായിരുന്നു! മഴയിൽ ഉപ്പുപാറകൾ അലിഞ്ഞ് ഉപ്പു പുഴകളിലൂടെ വെള്ളത്തിലൊളിച്ച് കടലിലേക്ക് കയറി. അങ്ങനെ അനേകകാലം കഴിഞ്ഞപ്പോഴാണ് തന്റെ വെള്ളം ഉപ്പു നിറഞ്ഞതായത്. സത്യത്തിൽ ഉത്തരവാദി ആയ നദികൾ തന്നെയാണ് ഇപ്പൊ കടലിനെതീരെ തിരിഞ്ഞിരിക്കുന്നത്... !!!!😊😊

സുഹൃത്തുക്കളെ... നമ്മളിൽ പലരും നമ്മുടെ തെറ്റുകളെ മറച്ചു പിടിച്ചുകൊണ്ടു മറ്റുള്ളവരെ ഉപദേശിക്കുകയും, കുറ്റം പറയുകയും ചെയ്യുന്നവരാണോ... ആ തെറ്റിനു നാം കൂടി ഉത്തരവാദികൾ ആണോ എന്ന്‌ പരിശോധന നടത്തുന്നത് ശരിയായ ക്രിസ്തീയ ജീവിതത്തിന്റെ ലക്ഷണം ആണ്.. അല്ലാത്തവർ എന്തിനും സ്വയം ന്യായം കണ്ടെത്തികൊണ്ടേയിരിക്കും... 

ബൈബിൾ പറയുന്നു :-

"ലംഘനം മറച്ചു വെക്കുന്നവന് ശുഭം വരികയില്ല.. ഏറ്റ് പറഞ്ഞു ഉപേക്ഷിക്കുന്നവനോ കരുണ ലഭിക്കും."

അനുഗ്രഹം മനസ്സിലാക്കി സന്തോഷിക്കൂ

ഒരു ഭാര്യയുടെ ഡയറി...

ഞാൻ ഭർത്താവിനോടൊപ്പമാണ് ഉറങ്ങുന്നത് ...

എന്റെ ഭർത്താവ് കൂർക്കം വലിക്കാറുണ്ട്.

എനിക്ക് വിഷമമില്ല. മറിച്ച് ഭർത്താവ് അടുത്തുണ്ടല്ലോ എന്ന് ഞാൻ

മനസ്സിലാക്കി സന്തോഷിക്കുന്നു...

കാരണം ഭർത്താവ് മരിച്ചു പോയവരെക്കുറിച്ചും, വിവാഹമോചിതരെക്കുറിച്ചും,

ഒരുമിച്ച് കഴിയാൻ ഭാഗ്യമില്ലാത്തവരെക്കുറിച്ചുമാണ് ഞാൻ

ചിന്തിക്കുന്നത്.....

എന്റെ മക്കൾ എന്നോട്; രാത്രി കൊതുക് കടിച്ചിട്ട് ഉറങ്ങാൻ കഴിഞ്ഞില്ല,

രാവിലത്തെ ഭക്ഷണം ഇഷ്ടപ്പെട്ടില്ല എന്ന് പറഞ്ഞ് എന്നോട് പിണങ്ങുമ്പോഴും ഞാൻ സന്തോഷിക്കുന്നു...

കാരണം എന്റെ മക്കൾ രാത്രിയിൽ വീട്ടിൽ വന്ന് കിടന്നുറങ്ങുന്നു..

അനാവശ്യ കൂട്ട് കെട്ടുകളില്ല..

ഇഷ്ടമല്ല എന്ന് പറഞ്ഞാലും ഞാൻ ഉണ്ടാക്കിയത് കഴിക്കുന്നു....

മക്കളില്ലാത്തവരെക്കുറിച്ചും,

മാതാപിതാക്കളെ അനുസരിക്കാതെ ജീവിക്കുന്ന മക്കളെക്കുറിച്ചും ചിന്തിക്കുന്നു ഞാൻ ..

കറന്റ് ബില്ലിനും ,' ഗ്യാസിനും മറ്റും‌ ചിലവ് കൂടുമ്പോഴും ഭർത്താവ് ഇടക്ക് വഴക്ക് പറയും.. പക്ഷെ, അപ്പോഴും ഞാൻ സങ്കടപ്പെടാറില്ല..

അവ ഇല്ലാതെ ജീവിക്കുമ്പോഴുണ്ടാകുന്ന പ്രയാസങ്ങളെക്കുറിച്ച് ചിന്തിക്കുന്നു ഞാൻ...

എല്ലാ ദിവസ്സവും വീടും മുറ്റവും

ജനലും വാതിലുകളും വൃത്തിയാക്കേണ്ടി വരുന്നു എനിക്ക്...

പക്ഷെ ഞാൻ സന്തോഷിക്കുന്നു...

ഒരു വീട് സ്വപ്നം കണ്ട് ജീവിക്കുന്നവരെക്കുറിച്ചാണ് ഞാൻ ചിന്തിക്കുന്നത്...

അപ്പോഴാണ് നമുക്ക് ഇത്രയൊക്കെയുണ്ടല്ലോ എന്ന്

മനസ്സിലാക്കുന്നതും സന്തോഷിക്കുന്നതും.....

എല്ലാ ദിവസവും അതിരാവിലെ എഴുന്നേൽക്കേണ്ടി വരുന്നു എനിക്ക്....

സ്വയം പുഞ്ചിരിച്ച് കൊണ്ട് ഞാൻ എന്നും എഴുന്നേൽക്കുന്നു...

എത്ര പേരാണ് ഈ പ്രഭാതം കാണാതെ ഇന്നലെ രാത്രി ഈ ലോകത്തോട് വിട പറഞ്ഞിരിക്കുക....

ഞാൻ ചിന്തിക്കുന്നത് അതാണ്‌ ......

ഇത് എനിക്കും നിങ്ങൾക്കും വായിക്കാൻ സാധിക്കുന്നു ...നമ്മുടെ കണ്ണിന് കാഴ്ച ശക്തിയുണ്ട് ...എത്ര അനുഗ്രഹം ലഭിച്ചവരാണ് നമ്മളൊക്കെ ...

ഇത് വായിക്കാൻ കഴിയാത്ത, മനസ്സിലാക്കാൻ കഴിയാത്തവരായി

ഈ ലോകത്ത് എത്ര പേരുണ്ട്.... അവരെക്കുറിച്ചോർത്തു നമുക്ക് ലഭിച്ച

അനുഗ്രഹം മനസ്സിലാക്കി സന്തോഷിക്കൂ....

ജീവിതത്തിലെ വിലയേറിയ അനുഗ്രഹങ്ങളെ മനസ്സിലാക്കി നമ്മുടേയും ,നമ്മുടെ കൂടെയുള്ളവരുടേയും ജീവിതം സന്തോഷമാക്കാൻ ശ്രമിക്കുക......

വളരെ ചെറിയ കാര്യങ്ങളിൽ പോലും സന്തോഷം കണ്ടെത്തി ജീവിക്കാൻ സാധിക്കുക എന്നതാണ് ജീവിതത്തിലെ ഏറ്റവും വലിയ അനുഗ്രഹം

കുറ്റം പറഞ്ഞു നടക്കുമ്പോൾ ഒന്ന് ഓർക്കുക...

ഒരു രാജാവ് തന്റെ നായയോടൊപ്പം ഒരിക്കൽ ഒരു നദിയിൽ തോണി യാത്ര നടത്തി . ആ തോണിയിൽ മറ്റനേകം യാത്രികരും ദേശാടനം നടത്തുന്ന ഒരു സഞ്ചാരിയും ഉണ്ടായിരുന്നു . ആ നായ ഒരിക്കലും ഒരു തോണിയിൽ യാത്ര ചെയ്തിട്ടില്ലാത്തതിനാൽ വല്ലാത്ത അസ്വസ്ഥത അത് യാത്രയിലുടനീളം പ്രകടിപ്പിക്കുന്നുണ്ടായിരുന്നു . അങ്ങോട്ടുമിങ്ങോട്ടും ഓടിയും ചാടിയും തന്റെ വല്ലായ്മയും അസ്വസ്ഥതയും ആ നായ പ്രകടിപ്പിക്കുന്നതിൽ യാത്രികർക്കും സൗര്യക്കേട് സൃഷ്ടിക്കുന്നുണ്ടായിരുന്നു . അവർ അങ്ങോട്ടും ഇങ്ങോട്ടും ഭയന്നു മാറുന്നതിനാൽ തോണി അനിയന്ത്രിതമായി ഉലയുന്നുണ്ടായിരുന്നു . മുങ്ങൽ ഭീതിയിൽ ഒരു യാത്രികൻ പറയുന്നുണ്ടായിരുന്നു നായയും മുങ്ങും നമ്മളേം മുക്കും.

പക്ഷെ രാജാവിന്റെ ശാസനയെ വകവയ്ക്കാതെ ഓടിയും ചാടിയും നായ അതിന്റെ സ്വഭാവം പ്രകടിപ്പിച്ചു കൊണ്ടേയിരുന്നു . തോണിയിലെ യാത്രികർക്കും സഹിക്കുന്നുണ്ടായിരുന്നില്ല . സഹികെട്ട യാത്രികരെ കണ്ട് അവരിലൊരാളായി തോണിയിൽ ഇരുന്നിരുന്ന സഞ്ചാരി രാജാവിന്റെ അടുക്കൽ ചെന്ന് പറഞ്ഞു പ്രഭോ അങ്ങ് സമ്മതിക്കുകയാണേൽ ഞാനീ നായയെ പൂച്ചയെ പോലെയാക്കാം.. ഹും രാജാവ് സമ്മതം മൂളി.

സഞ്ചാരി യാത്രികരിൽ നിന്നും രണ്ടാളുടെ സഹായത്തോടെ നായയെ പിടിച്ച് നദിയിലേക്കെറിഞ്ഞു . നായ പ്രാണഭയത്താൽ വെളളത്തിൽ നീന്തി തോണിയുടെ അടുക്കലെത്തി അതിലേക്ക് കയറുവാൻ ശ്രമിച്ചു കൊണ്ടേയിരുന്നു . കുറച്ചു സമയത്തിന് ശേഷം സഞ്ചാരി അതിനെ വലിച്ച് തോണിയിലേക്കിട്ടു . അപ്പോൾ ആ നായ ഒരു അസ്വസ്ഥതയും പ്രകടിപ്പിക്കാതെ ജീവൻ തിരിച്ചു കിട്ടിയ ആശ്വാസത്തിൽ ഒരു മൂലയിൽ പോയി കിടന്നു . യാത്രികരോടൊപ്പം രാജാവിനും ആ നായയുടെ മാറ്റത്തിൽ വല്ലാത്ത ആശ്ചര്യം തോന്നി . രാജാവ് സഹയാത്രികരോട് പറഞ്ഞു ... നോക്കൂ കുറച്ച് മുൻപ് വരെ ഈ നായ എന്തൊരസ്വസ്ഥതയോടെ നമ്മളെയൊക്കെ എത്രമാത്രം ബുദ്ധിമുട്ടിച്ചു ഇപ്പോൾ നോക്കൂ എത്ര ശാന്തനായി കിടക്കുന്നു.

ഇതു കേട്ട സഞ്ചാരി പറഞ്ഞു ... സ്വയം ബുദ്ധിമുട്ടും ദുഖവും ആപത്തും അനുഭവത്തിൽ വരാത്തിടത്തോളം മറ്റുളളവരുടെ വികാരങ്ങൾ മനസ്സിക്കുന്നതിൽ ആർക്കും വീഴ്ച പറ്റും . ഞാനീ നായയെ പിടിച്ച് വെള്ളത്തിലിട്ടപ്പോൾ മാത്രമാണ് അതിന് വെള്ളത്തിന്റെ ശക്തിയും തോണിയുടെ ആവശ്യകതയും മനസ്സിലായത്...

സുഹൃത്തുക്കളെ...

ജീവിതത്തിൽ പലരെയും കുറ്റം പറഞ്ഞു നടക്കുമ്പോൾ ഒന്ന് ഓർക്കുക... അയാളുടെ സ്ഥാനത്തു ഞാൻ ആയിരുന്നുവെങ്കിൽ എന്ത് ചെയ്യുമായിരുന്നുവെന്നു ഒരു നിമിഷം ചിന്തിക്കുക... പലതും നമ്മുടെ അനുഭവങ്ങൾ അല്ലാത്തത് കൊണ്ടാണ് നമ്മൾ അതിന്റെ വില അറിയാത്തത്...
ജീവിതത്തിന്റെ മൂല്യങ്ങൾ മനസ്സിലാക്കി പ്രവർത്തിക്കുക.. 

ഇമ്മാനുവേൽ ഇമ്മാനുവേൽ tamil Lyrics തമിഴ് ലിരിക്സ് മലയാളത്തിൽ

immanuel immanuel Tamil Christians songs lyrics

ഇമ്മാനുവേൽ ഇമ്മാനുവേൽ
ഇമ്മാനുവേൽ എന്നോടിരുപ്പാരേ -4

1. പെത്ലകേമിൽ പിറന്ത അവർ
പാലനായ് ജെനിത്ത അവർ
ഇമ്മാനുവേൽ എന്നോടിരുപ്പാരേ
ഉലകത്തിൻ രാജാ അവർ
ദൂതർ പോറ്റും ദേവൻ അവർ
ഇമ്മാനുവേൽ എന്നോടിരുപ്പാരേ

ഇമ്മാനുവേൽ ഇമ്മാനുവേൽ
ഇമ്മാനുവേൽ എന്നോടിരുപ്പാരേ -2

2. മകിമൈ നിറൈന്ത ദേവൻ അവർ
മകത്തുവത്തിൻ കർത്തർ അവർ
ഇമ്മാനുവേൽ എന്നോടിരുപ്പാരേ
സമാധാന പ്രഭു അവർ
നന്മൈ തരും തകപ്പൻ അവർ
ഇമ്മാനുവേൽ എന്നോടിരുപ്പാരേ -2


ഇമ്മാനുവേൽ ഇമ്മാനുവേൽ
ഇമ്മാനുവേൽ എന്നോടിരുപ്പാരേ -2


3. മനിതനാക പിറന്ത അവർ
പരലോകത്തൈ തിറന്ത അവർ
ഇമ്മാനുവേൽ എന്നോടിരുപ്പാരേ
മാംസമാക വന്ത അവർ
നമക്കുൾ വാഴും യേശു അവർ
ഇമ്മാനുവേൽ എന്നോടിരുപ്പാരേ - 2


ഇമ്മാനുവേൽ ഇമ്മാനുവേൽ
ഇമ്മാനുവേൽ എന്നോടിരുപ്പാരേ -4

അധ്യാപകൻ

ഒരിക്കൽ ക്ലാസിലെ വാച്ച് കെട്ടിയ കുട്ടിയെ കണ്ടപ്പോൾ ഒരുത്തനൊരു മോഹം, ഒരു ദിവസം ഒരു തവണ മാത്രം ആ വാച്ചൊന്ന് കെട്ടണമെന്ന്.

വാച്ചിന്റെ ഉടമസ്ഥൻ സമ്മതിച്ചില്ല. ആഗ്രഹം നിയന്ത്രിക്കാനാവാതെ അവനത് മോഷ്ടിച്ച് കീശയിലിട്ടു. ആരും കാണാതെ ഒരിക്കൽ മാത്രം കൈയിലൊന്ന് കെട്ടാൻ വേണ്ടി മാത്രം....

വാച്ച് നഷ്ടപ്പെട്ട കുട്ടി കരച്ചിലോടു കരച്ചിൽ.

അധ്യാപകൻ എല്ലാവരെയും നിരയായി നിർത്തി.

മോഷ്ടിച്ചവൻ സകല ദൈവങ്ങളേയും പ്രാർത്ഥിച്ച് ധൈര്യമെല്ലാം ചോർന്നങ്ങനെ നിൽപ്പാണ്.
എല്ലാവരോടും കണ്ണടക്കാൻ പറഞ്ഞു അധ്യാപകൻ.

എല്ലാവരുടെ കീശയിലും തപ്പി.
മോഷ്ടാവിന്റെ കീശയിൽ നിന്ന് വാച്ച് കിട്ടി.

അധ്യാപകൻതിരച്ചിൽ നിർത്തിയില്ല.
ഒടുവിൽ എല്ലാവരുടെ കീശയിലും തിരഞ്ഞതിന് ശേഷം അധ്യാപകൻ വാച്ച് ഉടമയ്ക്ക് തിരികെ നൽകി.

അവൻ സന്തോഷവാനായി.

മോഷ്ടിച്ചവൻ അന്ന് ശരിക്കും ദൈവത്തെ കണ്ടു, അധ്യാപകന്റെ രൂപത്തിൽ. ഒന്നും ചോദിച്ചില്ല, ശാസിച്ചില്ല... പക്ഷെ ഇനി ഒരിക്കൽ പോലും മോഷ്ടിക്കില്ലെന്ന് മനസു കൊണ്ട് അവൻ പ്രതിജ്ഞയെടുത്തു.

ഇതുപോലൊരു അധ്യാപകനാവാൻ അവൻ കൊതിച്ചു. വർഷങ്ങൾക്ക് ശേഷം അവൻ ഒരു അധ്യാപകനായി.

കാലം ഏറെ കഴിഞ്ഞപ്പോൾ തന്നെ അധ്യാപകനാക്കിയ ആ ഗുരുവിനെ അവൻ കണ്ടു.. പക്ഷേ, തന്റെ ശിഷ്യനെ അയാൾക്ക് ഓർമ വന്നില്ല. അന്നേരം അവൻ ഈ മോഷണക്കാര്യം ഓർമിപ്പിച്ചു.

"സാർ, ഞാനായിരുന്നു അന്ന് ആ വാച്ച് മോഷ്ടിച്ചത്.
അങ്ങയെ അത്രമേൽ ഞാൻ ഇഷ്ടപ്പെടുന്നു, എന്റെ അഭിമാനത്തിന് മുറിവേൽപ്പിക്കാത്തതിന്."

ഒരു പുഞ്ചിരിയോടെ അധ്യാപകൻ പറഞ്ഞു.

"അന്നേരം ഞാനും കണ്ണടച്ചാണ് കീശയിൽ വാച്ച് തപ്പിയത്. എനിക്കറിയില്ലായിരുന്നു അത് ആരാണെന്ന്... അറിയുകയും വേണ്ടായിരുന്നു..."

എന്തൊരു മനുഷ്യൻ....!!

രണ്ടുപേരും പരസ്പരം കണ്ണുകളിലേക്ക് ഏറെ നേരം നോക്കിയിരുന്ന് സന്തോഷത്തോടെ കണ്ണീർ തുടച്ച് യാത്ര പറഞ്ഞു.



പിൻകുറിപ്പ്:- കുട്ടികളെ മറ്റുള്ളവരുടെ മുന്നിൽവെച്ച് കുറ്റവാളികളെന്നപോലെ ശിക്ഷിക്കുകയും ശാസിക്കുകയും ചെയ്യുന്ന അധ്യാപകരും രക്ഷിതാക്കളും വലിയൊരു ദ്രോഹമാണ് ചെയ്യുന്നത്.
ചേർത്തു പിടിക്കാൻ കഴിയണം നമ്മുടെ കുട്ടികളെ. കുട്ടികളെ വലിയ കുറ്റവാളികളെപ്പോലെ ചോദ്യം ചെയ്യുകയും മാനസികമായി പീഡിപ്പിക്കുകയും ചെയ്യുന്ന അധ്യാപകരും രക്ഷിതാക്കളും എല്ലാം മറന്ന് അവരെയൊന്ന് ആശ്ലേഷിച്ചിരുന്നെങ്കിൽ മികച്ച തലമുറയെ നമുക്ക് വാർത്തെടുക്കാൻ കഴിയും

രൂപാന്തരം

  കേവലം 40 രൂപ വിലയുള്ള ഒരു ഇരുമ്പ് കഷ്ണം രൂപാന്തരം  പ്രാപിച്ചാൽ 450 രൂപ വിലയുള്ള കുതിര ലാടം ആയി മാറാം .
പിന്നെയും രൂപാന്തരം പ്രാപിച്ചാൽ 5000 രൂപ വിലയുള്ള വാച്ചിന്റെ സ്പ്രിങ് ആയി മാറാം
പിന്നെയും രൂപാന്തരം പ്രാപിച്ചാൽ  പത്ത് ലക്ഷ മുതൽ രണ്ടു കോടി വരെ വിലയുള്ള കാറിൻറെ എൻജിന്റെ പ്രധാന ഭാഗമായി മാറും.
പിന്നെയും രൂപാന്തര സംഭവിച്ചാൽ 250 കോടി മുതൽ 500 കോടി വരെ വിലയുള്ള ഫ്ലൈറ്റ് കളുടെ കോക് പിറ്റ് ലെ  പ്രധാന  ഉപകാരണമായി മാറുവാൻ കഴിയും .
നിങ്ങളിൽ രൂപാന്തരം സംഭവിക്കും തോറും നിങ്ങൾ വിലയേറിയ വരായി  മാറുന്നു.
പക്ഷേ രൂപാന്തരത്തിന്  വില കൊടുക്കണം ചൂടേറിയതും  ചുട്ടുപൊള്ളുന്നതുമായ അനേക പ്രോസസിംഗ്ഗിലൂടെ കടന്നു പോകണം. ഒത്തിരി അടിയും ഇടിയും തട്ടും മുട്ടും ഏൽക്കണം.
അതിനു മനസ്സില്ലാത്തതു കൊണ്ടാണ് പലരും ഇപ്പോഴും *പഴയ ഇരുമ്പു കഷ്ണമായി* തന്നെ ഇരിക്കുന്നത്.

മുട്ടുവിൻ എന്നാൽ നിങ്ങൾക്കു തുറക്കും"

"പ്രാർത്ഥനയുടെ ഉത്തരം"

ടെക്സസിലെ ഒരു ഹോസ്പിറ്റ
ലിൽ ഡോക്ടറായിരുന്നു ലോറിഡോസ്.ചെറുപ്പത്തിൽ അദ്ദേഹം ദൈവവിശ്വാസ
ത്തോടെ വളർന്നു..എന്നാൽ ശാസ്ത്രവിദ്യാർത്ഥിയായപ്പോൾ
തന്റെ കഴിവിൽ മാത്രം പ്രശംസിക്കയും ആശ്രയിക്കയും
ചെയ്തു..തന്റെ മുന്നിൽ ചികിത്സയിൽ കഴിഞ്ഞിരുന്ന ഒരു
കാൻസർ രോഗിയുടെ ദിവസങ്ങൾ എണ്ണപ്പെട്ടുവെന്നു
ഡോക്ടർക്കു ബോദ്ധ്യമായി. രോഗിയുടെ ചാർച്ചക്കാരും
സ്നേഹിതരും സഭാമക്കളും
എപ്പോഴും അദ്ദേഹത്തിനു വേണ്ടി
പ്രാത്ഥിക്കുന്നതു കണ്ടപ്പോൾ അദ്ദേഹത്തിനു പുച്ഛമായിരുന്നു.
അടുത്ത ദിവസം എടുത്ത നെഞ്ചിന്റെ scan ഡോക്ടറുടെ
ജീവിതത്തെ മാറ്റിമറിച്ചു.
കാൻസർ പൂർണ്ണമായി വിട്ടുമാറി
യിരിക്കുന്നു. വൈദ്യശാസ്ത്രത്തിനപ്പുറത്തു
പ്രവർത്തിക്കാൻ ദൈവത്തിനു
ശക്തിയുണ്ടെന്നു അദ്ദേഹത്തിനു
ബോദ്ധ്യപ്പെട്ടു.

ഒരു വിഷയത്തിനുവേണ്ടി പ്രാത്ഥിച്ചിട്ടു ഉത്തരം ലഭിക്കാതെ
വരുമ്പോൾ ദൈവത്തെ മറന്നുപോകുന്നവരാണു നാം
പലരും എപ്പോഴും സമ്മാനങ്ങളുമായി
കടന്നുവരുന്ന സാന്റാക്ളോസാണു ദൈവം എന്നാണു പലരും കരുതിയിരിക്കുന്നതു.
നമ്മുടെ നന്മക്കായി
ഭവിക്കുന്നവയാണെങ്കിൽ മാത്രമേ ദൈവം നമ്മുക്കു മറുപടി നൽകു. നേരിടുന്ന കഷ്ടപാടിൽ ആശ്വാസത്തിനും
സമാധാനത്തിനുമായി പ്രാർത്ഥിക്കണം.ദൈവീക സമാധാനം നിറഞ്ഞാൽ എല്ലാ
ദു:ഖങ്ങളും ഓടിയകലും.
ദൈവവുമായുള്ള സംസർഗ്ഗമാണു പ്രാത്ഥന.ദൈവത്തോടു കുറേകാര്യങ്ങൾ പറഞു ഇറങ്ങിപോരുന്നതല്ല പ്രാത്ഥന.
ദൈവം അരുളിചെയ്യുന്നതു
ശ്രവിക്കുന്നതാണു പ്രാത്ഥന.
ദൈവസമക്ഷം ഇരിക്കുമ്പോൾ
ദൈവം നൽകിയ ക്യപകളെ നാം
ഓർക്കും. നമ്മുടെ പരിമിതികളേയും ഓർക്കും. അധരങ്ങൾ ചലിച്ചില്ലെങ്കിലും
ദൈവസന്നിധിയിൽ ഹ്രദയം
നുറുങ്ങുന്നതു ദൈവത്തിനു
സ്വീകാര്യമായ ബലിയാണു. എപ്പോൾ വേണമെങ്കിലും എവിടെ വച്ചും നമ്മുക്കു
പ്രാർത്ഥിക്കാം. പ്രാത്ഥനക്കു
ദൂരപരിമിതിയോ, സ്ഥലപരിമിതിയോ ഇല്ല. ബോധമനസ്സിൽ മാത്രമല്ല
ഉപബോധമനസ്സിലും പ്രാർത്ഥിക്കാം. സ്വന്തം ഇച്ഛയും
താല്പര്യവും വെടിഞുവേണം
പ്രാത്ഥിക്കേണ്ടതു. ദൈവമേ അവിടത്തെ ഹിതം നിറവേറണേ
എന്നായിരിക്കണം നമ്മുടെ പ്രാർത്ഥന.യേശു അങ്ങനെയാണു പ്രാത്ഥിച്ചതു.  വെറുപ്പും, ഭിന്നതയും, വിദ്വേഷവും വെടിഞുവേണം
ദൈവസന്നിധിയിലേക്കു കടന്നുവരുവാൻ. ദാവിദു രാജാവു
പറഞു. "ഞാൻ എന്റെ ഹ്യദയത്തിൽ അക്യത്യം കരുതിയിരുന്നുവെങ്കിൽ യഹോവ കേൾക്കയില്ലായിരുന്നു"
സ്നേഹത്തിൽ ഉരിതിരിഞതായിരിക്കണം നമ്മുടെ പ്രാർത്ഥന..
ഇങ്ങനെയുള്ള പ്രാത്ഥനക്കു
ദൈവസന്നിധിയിൽ ഉത്തരം
നിശ്ചയമായും ഉണ്ടു.ഒരു പക്ഷേ
പ്രാർത്ഥനയുടെ ഉത്തരം നാം ആഗ്രഹിക്കുന്ന സമയത്തും,
ആഗ്രഹിക്കുന്ന വിധത്തിലും ആയിരിക്കണമെന്നില്ല. നാം നിനക്കുന്നതിലും ചിന്തിക്കുന്നതിലും പരമായാണു
ദൈവം ച്ചെയ്യുക. യേശു പറഞു.
എന്റെ നാമത്തിൽ നിങ്ങൾ എന്തുതന്നെ അപേക്ഷിച്ചാലും
ഞാൻ നിങ്ങൾക്കു ചെയ്തു
തരും.യാചിപ്പിൻ എന്നാൽ നിങ്ങൾക്കു കിട്ടും. അന്വേഷിപ്പിൻ എന്നാൽ നിങ്ങൾ
കണ്ടെത്തും. മുട്ടുവിൻ എന്നാൽ
നിങ്ങൾക്കു തുറക്കും"
മത്തായി 7:7

വിശ്വാസത്തിൽ മടുത്തു പോകരുത് .

വളരെ പ്രശസ്തനായ ക്യാൻസർ രോഗവിദഗ്ധൻ ഡോക്ടർ എബ്രഹാം തനിക്കു ലഭിക്കുവാൻ പോകുന്ന വിലപ്പെട്ട അവാർഡ് വാങ്ങുവാൻ തന്റെ നഗരത്തിൽ നിന്നും അവാർഡ് ഒരുക്കിയിരിക്കുന്ന നഗരത്തിലേക്ക് യാത്ര ചെയ്യുകയായിരുന്നു . അദ്ദേഹം വളരെ സന്തോഷവാനും അതിലുപരി ആകാംഷാ ഭരിതനുംആയിരുന്നു ..... തന്റെ യാത്രക്കായി ഒരു ഫ്ലൈറ്റിൽ ആണ് പോയത് രണ്ടു മണിക്കൂർ യാത്രക്ക് ശേഷം ഡോക്ടർ യാത്ര ചെയിത വിമാനത്തിന്റെ സാങ്കേതിക തകരാർ മൂലം അടുത്തുള്ള എയർ പോർട്ടിൽ വിമാനം ലാൻഡ് ചെയ്യേണ്ടതായി വന്നു .തനിക്കു ലഭിക്കേണ്ട മഹത്തായ ആ അവാർഡ് വാങ്ങുവാൻ പറ്റുമോന്നുള്ള ഭയം അദ്ദേഹത്തെ അലട്ടിക്കൊണ്ടിരുന്നു .എയർ പോർട്ടിനുള്ളിൽ തന്നെ അദ്ദേഹം ആ നഗരത്തിലേക്കുള്ള അടുത്ത ഫ്ലൈറ്റിനെ കുറിച്ച് അന്വഷിച്ചു .....എന്നാൽ അടുത്ത ഫ്ലൈറ്റ് ഇനി പത്തു മണിക്കൂർ കഴിഞ്ഞേ ഉള്ളൂ എന്ന് അറിയുവാൻ കഴിഞു ...അത് കേട്ടപ്പോൾ അദ്ദേഹം വളരെ അധികം നിരാശനായി .എങ്കിലും അദ്ദേഹം പിന്മാറുവാൻ തയ്യാറായില്ല . ഡോക്ടർ എയർ പോർട്ടിന് പുറത്തു പോയി ഒരു കാര് വാടകക്ക് എടുത്തു യാത്ര തുടങ്ങി .... പക്ഷെ കുറച്ചു ദൂരം യാത്ര ചെയിതു തുടങ്ങിയപ്പോൾ അവിടുത്തെ കാലാവസ്ഥയിൽ വലിയ മാറ്റം ഉണ്ടായി .... അതിശക്തമായ മഴയും കാറ്റും ഡോക്ടറിന്റെ യാത്രയെ ദുര്ഘടമാക്കി .അങ്ങനെ ഡോക്ടർ പോകേണ്ട വഴിമാറി സഞ്ചരിക്കേണ്ടി വന്നു. കുറച്ചു ദൂരം സഞ്ചരിച്ചപ്പോൾ ആൾപ്പാർപ്പില്ലാത്ത വിജനമായ ഒരു സ്ഥലത്തെത്തിചേർന്നു.... അങ്ങനെ ആ യാത്ര അദ്ദേഹത്തെ വളരെയേറെ തളർത്തുകയും അതിലുപരി അദ്ദേഹത്തിന് വളരെ അധികം വിശക്കുകയും ചെയിതു .അല്പം ആഹാരത്തിനു വേണ്ടി അദ്ദേഹം മനുഷ്യവാസമുള്ള ഒരു ഭവനം തിരഞ്ഞു നടന്നു നീങ്ങിയപ്പോൾ ഒരു ചെറിയ കുടിൽ കാണുവാൻ സാധിച്ചു .ആ കുടിൽ ലക്ഷ്യം വെച്ച് നീങ്ങി കുടിലിന്റെ വാതിലിൽ ചെന്ന് കൊട്ടി .അപ്പോൾ അതിമനോഹരമായ ഒരു സ്ത്രീ വാതിൽ തുറന്നു പുറത്തു വന്നു . ഡോക്ടർ തന്റെ അവസ്ഥയെക്കുറിച്ചു ആ സ്ത്രീയോട് പറഞ്ഞു .എന്നിട്ടു സ്ത്രീയോട് പറഞു എനിക്ക് നിങ്ങളുടെ ഫോണിലൂടെ ഒരു സന്ദേശം എന്റെ നാട്ടിൽ എത്തിക്കണം . എന്നാൽ ആ ഭവനത്തിൽ അതിനുള്ള സംവിധാനം ഇല്ലായിരുന്നു .

ആ സ്ത്രീ വളരെ സ്നേഹത്തോടെ അദ്ദേഹത്തെ തന്റെ ഭവനത്തിലേക്ക് സ്വീകരിച്ചു . എന്നിട്ടു ആ സ്ത്രീ പറഞ്ഞു കാലാവസ്ഥ അനുകൂലം ആകുന്നതു വരെ തന്റെ വീട്ടിൽ താമസിച്ചു കൊള്ളുവാൻ. അതിനുശേഷം ആ സ്ത്രീ ഡോക്ടർക്ക് ഭക്ഷണവും പാനീയവും കൊടുത്തു...എന്നിട്ടു അവൾ അദ്ദേഹത്തോടായിട്ടു പറഞ്ഞു എന്റെ പ്രാർത്ഥനാ സമയം ആണിപ്പോൾ ..... ഞാൻ പ്രാർത്ഥിക്കുവാൻ പോകുകയാണ് താങ്കൾക്കും താൽപ്പര്യം ഉണ്ടെങ്കിൽ എന്റെ ഒപ്പം ഇരുന്നു പ്രാർത്ഥിക്കാം . അദ്ദേഹം അതിനു വിസമ്മതം കാട്ടിയിട്ടു വിശ്രമിച്ചു . സ്വന്തം കഠിനാധ്വാനത്തിലും കഴിവിലും മാത്രം വിശ്വസിക്കുന്ന ഒരു വ്യക്തിയായിരുന്നു അദ്ദേഹം .പ്രാര്ഥനയിലോ .... ദൈവത്തിലോ ഒട്ടും വിശ്വാസം ഇല്ലാത്ത ആൾ . ഡോക്ടർ പുറത്തു ഒരു ചെറിയ കസേരയിൽ ഇരുന്നു തന്റെ കയ്യിൽ ഉണ്ടായിരുന്ന പാനീയവും കുടിച്ചു ആ സ്ത്രീ പ്രാർത്ഥിക്കുന്നതു ശ്രേദ്ധിച്ചുകൊണ്ടേ ഇരുന്നു .തൊട്ടിലിൽ കിടക്കുന്ന ഒരു കുഞ്ഞിന്റെ അരികിൽ ഇരുന്നുകൊണ്ടായിരുന്നു ആ സ്ത്രീ പ്രാർത്ഥിക്കുന്നത് .ഇതുകണ്ടപ്പോൾ ആ ഡോക്ടർക്ക് ഈ സ്ത്രീ എന്ത് ആവശ്യത്തിന് വേണ്ടിയാണോ പ്രാർത്ഥിക്കുന്നത് എന്ന് ചോദിക്കുവാനുള്ള ആകാംഷയുണ്ടായി .ഒരിക്കലെങ്കിലും ആ സ്ത്രീയുടെ പ്രാർത്ഥന ദൈവം കേട്ടോ എന്ന് ചോദിക്കുവാനും തീരുമാനിച്ചു. അങ്ങനെ അവളുടെ പ്രാർത്ഥന കഴിഞ്ഞപ്പോൾ അവളോട് കാര്യങ്ങൾ തിരക്കി .

അപ്പോൾ അവൾ പറഞ്ഞു.... എന്റെ കുഞ്ഞു ക്യാൻസർ എന്ന മഹാരോഗം ബാധിച്ചു മരണത്തെ കാത്തു കിടക്കുകയാണ് .ഈ കുഞ്ഞിനെ ചികിൽസിക്കുന്ന ഡോക്ടർ പറഞ്ഞു..... ഡോക്ടർ എബ്രഹാം എന്ന ഒരു ക്യാൻസർ വിദഗ്ധനെ നിന്റെ കുഞ്ഞിനെ സൗഖ്യം ആക്കുവാൻ സാധിക്കുകയുള്ളൂ ..... എന്നാൽ എന്റെ കയ്യിൽ ആ ഡോക്ടറിനെ പോയി കാണുവാനുള്ള പണമോ അവിടെവരെ യാത്രചെയ്യുവാനുള്ള സാഹചര്യമോ ഇല്ലായിരുന്നു ....അതുകൊണ്ടു പോയില്ല .

എന്നിട്ടു അവൾ വീണ്ടും അദ്ദേഹത്തോടായി പറഞ്ഞു തുടങ്ങി .....എന്റെ ദൈവം എനിക്ക് വേണ്ടി വഴിതുറക്കും , ഞാൻ സദാസമയവും ദൈവത്തോട് ഈ വിഷയം പ്രാർത്ഥിച്ചുകൊണ്ടിരിക്കുകയാണ് . ഇതുവരെ എനിക്ക് മറുപടി ലഭിച്ചില്ല .പക്ഷെ എനിക്ക് നല്ല വിശ്വാസം ഉണ്ട് എന്റെ ദൈവം എനിക്കുവേണ്ടി വഴികളെ തുറക്കും .... എന്റെ ദൈവം എന്നെ കൈവിടില്ല ...എനിക്ക് എന്റെ ദൈവത്തിൽ നല്ല വിശ്വാസം ഉണ്ട്. ഇതു കേട്ടുകൊണ്ട് നിന്ന ഡോക്ടർ സ്തംഭിച്ചു മൗനമായി അൽപ്പസമയം നിന്നുപോയി .... അദ്ദേഹത്തിന്റെ ഉള്ളു വിതുമ്പിക്കൊണ്ടേ ഇരുന്നു .....എന്നിട്ടു അറിയാതെ അദ്ദേഹം വിളിച്ചു പറഞ്ഞു നിന്റെ ദൈവം ശ്രേഷ്ഠൻ ആണ് .എന്നിട്ടു അദ്ദേഹം ആ സ്ത്രീയോട് തനിക്കു സംഭവിച്ചതെല്ലാം വിവരിച്ചു .....

തന്റെ ഫ്ലൈറ്റ് കേടായതും...... കാറ് വാടകക്ക് എടുത്തതും...... കാലാവസ്ഥ പ്രതികൂലം ആയതും ...... വഴിതെറ്റിപ്പോയതും .....എല്ലാം ....ഞാൻ ഇവിടെ എത്തുവാൻ വേണ്ടി ആയിരുന്നു ഇതെല്ലാം സംഭവിച്ചതെന്നും ഞാനിപ്പോൾ മനസ്സിലാക്കുന്നു. ഇതിനെല്ലാം കാരണം പ്രാർത്ഥന കേൾക്കുന്ന ഒരു ദൈവം ആണ് നമ്മുക്ക് മുകളിൽ ഇരിക്കുന്നത് എന്ന് ഞാനിപ്പോൾ മനസ്സിലാക്കുന്നു .

തന്റെ കഴിവിലും അധ്വാനത്തിലും ഈ ലോകത്തിലും കുടുങ്ങിക്കിടന്ന അനേകരെ പുറത്തു കൊണ്ടുവന്നു നിസഹായരായ അനേകർക്ക്‌ പ്രയോജനപ്പെടുത്തുവാൻ ദൈവം ഉപയോഗിക്കുന്നത് ഇതുപോലുള്ള ശക്തമായ പ്രാർത്ഥനയാണ് ..... പ്രാർത്ഥന ഒരിക്കലും പരാജയപ്പെടുകയില്ല .... പ്രാർത്ഥന തുറക്കാത്തതിനെ തുറക്കും . അത് അസാദ്ധ്യത്തെ സാദ്ധ്യമാകും . കാരണം പ്രാർത്ഥന കേൾക്കുന്ന ഒരു ദൈവം ആണ് നമ്മുക്കുള്ളത് .

ഒരു പക്ഷെ നമ്മുടെ പ്രാർത്ഥനകൾക്ക് നമ്മൾ ആഗ്രഹിക്കുന്ന പ്രകാരം ആയിരിക്കില്ല ഉത്തരം നൽകുന്നത് മറിച്ച് ദൈവത്തിന്റെ ഇഷ്ടപ്രകാരം ആയിരിക്കും ഉത്തരം ലഭിക്കുന്നത് .നമ്മുടെ പ്രാർത്ഥനയുടെ ഉത്തരത്തിനായി അവൻ മറ്റുള്ളവരുടെ ഹൃദയങ്ങളെ മാറ്റും , കാലാവസ്ഥയെ മാറ്റും , സാഹചര്യങ്ങളെ മാറ്റും , എന്നിട്ടു നമ്മുക്ക് വേണ്ടത് മനോഹരമായി ഒരുക്കി തരും . അതുകൊണ്ടു നമ്മുടെ പ്രതീക്ഷകൾ നഷ്ടപ്പെടുത്തരുത് . വിശ്വാസത്തിൽ മടുത്തു പോകരുത് . ദൈവം നമുക്കുവേണ്ടി മനോഹരമായി എല്ലാം ഒരുക്കുന്നതിന്റെ തിരക്കിൽ ആണ് . അവനിൽ തന്നെ ആശ്രയിക്കുക .അവനിൽ തന്നെ രസിച്ചുകൊൾക , അവൻ നമ്മുടെ ആഗ്രഹങ്ങളെ സാധിച്ചു തരുന്ന ദൈവം ആണ് .അതുകൊണ്ടു സഹോദരങ്ങളെ നിങ്ങൾ മടുത്തുപോകാതെ ഇടവിടാതെ പ്രാർത്ഥിച്ചുകൊണ്ടിരിപ്പീൻ..... നമ്മുടെ ദൈവം അത്ഭുതങ്ങളുടെ ദൈവം ആണ്.

ദൈവം നിങ്ങളെ അനുഗ്രഹിക്കട്ടെ .....

ഹിന്ദി അക്ഷരമാല

Zoom
ഇമേജ് വലുതായി കാണാൻ, ഇമേജിൽ ഒന്ന് തൊടുക (tap the image). 

ഇംഗ്ലീഷ് അക്ഷരമാല

Zoom
ഇമേജ് വലുതായി കാണാൻ, ഇമേജിൽ ഒന്ന് തൊടുക (tap the image). 

തമിഴ് അക്ഷരമാല

Zoom
ഇമേജ് വലുതായി കാണാൻ, ഇമേജിൽ ഒന്ന് തൊടുക (tap the image).